11 — 12 снежня ў Мінску прайшла навукова-практычная канферэнцыя "95 год беларускаму кіно: гісторыя, сучаснасць, перспектывы". На другі дзень распачалася навуковая частка канферэнцыі: пленарнае пасяджэнне і круглы стол, цягам якога выступілі з дакладамі і прамовамі амаль пяцьдзясят тэарэтыкаў і практыкаў кіно. Пленарнае пасяджэнне пачалося з прывітальнага слова намесніка Старшыні Прэзідыума НАН Беларусі Аляксандра Кільчэўскага, выступіў таксама і дырэктар Цэнтра даследаванняў беларускай культуры, мовы і літаратуры НАН Беларусі Аляксандр Лакотка.

18 кастрычніка у Доме прэсы адбылася прэс-прэзентацыя навукова-даследчага і мемарыяльнага выдання "Воіны-армяне ў баях за Беларусь (1941 — 1944 гг.)". Праектам займаліся Фонд развіцця і падтрымкі арменаведчых даследаванняў "АНИВ" разам з Інстытутам гісторыі і ўпраўленнем па ўвекавечанні памяці абаронцаў Айчыны і ахвяр войнаў Узброеных Сіл Міністэрства абароны Рэспублікі Беларусь. Пра выданне распавёў дырэктар Інстытута гісторыі НАН Беларусі Вячаслаў Даніловіч.