Інстытут цепла- і масаабмену імя А.В. Лыкава — адно з самых паспяховых падраздзяленняў Нацыянальнай акадэміі навук Беларусі. Тут працуюць над праектамі ў розных сферах: ад 3D-друку да космасу. З 2011 года ІЦМА ўзначальвае самы малады акадэмік Нацыянальнай акадэміі навук Алег Пенязькоў, а ўсяго ў гэтай арганізацыі ён працуе ўжо 33 гады. Напярэдадні Дня беларускай навукі выдатны беларускі вучоны разважае пра найбольш знакавыя праекты інстытута і планы на будучыню.