Цяжка знайсці чалавека, які ні разу не чуў пра выдатнага французскага філосафа-асветніка XVIII стагоддзя Вальтэра. Таксама шмат хто ведае, што сапраўднае імя філосафа было Франсуа-Мары-Аруэ. Але малавядомы факт, што ў яго было больш за 160 псеўданімаў! Пад імем Бурдзільён (Іосіф) гэты вялікі філосаф напісаў брашуру пра супярэчнасці паміж цэрквамі ў Польшчы,якая, як і многія іншыя творы філосафа была перекладзена на рускую мову. Асобнік гэтага выдання захоўваецца ў аддзеле рэдкіх кніг і рукапісаў Цэнтральнай навуковай бібліятэкі НАН Беларусі.

У XVIII стагоддзі ў Расіі з'явіліся свецкія календары, якія карысталіся вялікай папулярнасцю. У календарах Пятроўскага часу звычайна змяшчалася вялікая колькасць разнастайнай інфармацыі: храналогія падзей, назвы планет, парады народнай медыцыны і інш. У фондах аддзела рэдкіх кніг і рукапісаў Цэнтральнай навуковай бібліятэкі НАН Беларусі захоўваецца адно з такіх выданняў - "Календарь или месяцослов на лето от рождества господа нашего Иисуса Христа, 1722".