У межах штогадовага праекта «Гісторыя і сучаснасць кніжнай графікі» ў Нацыянальнай бібліятэцы Беларусі праходзіць выстаўка «Фантастычная вандроўка». Адкрыццё экспазіцыі, прысвечанай літаратурнай фантастыцы, адбылося ў Атрыуме галоўнай беларускай кніжніцы 28 лютага. Ва ўрачыстым мерапрыемстве ўзялі ўдзел генеральны дырэктар Нацыянальнай бібліятэкі Аксана Кніжнікава, дырэктар Інстытута літаратуразнаўства імя Янкі Купалы НАН Іван Саверчанка, пісьменніца Марыя Шамякіна, мастацтвазнаўца, арт-дырэктар канцэптуальнай галерэі «Брама» Ларыса Фінкельштэйн і мастак-графік Фёдар Шурмялёў.

Пытанні папулярызацыі беларускай мовы абмяркоўвалі 20 лютага ў Прэс-цэнтры Дома прэсы. Сярод спікераў адзначыліся, апроч іншых, дырэктар Інстытута мовазнаўства імя Якуба Коласа Ігар Капылоў, дырэктар Інстытута літаратуразнаўства імя Янкі Купалы Іван Саверчанка.