Многiя вiды птушак, якiя раней лiчылiся пералётнымi, цяпер могуць заставацца на час халадоў у нас. Арнiтолагi ўжо мяняюць статус такiх птушак на двайны: мiгранты з магчымасцю зiмоўкi. Цiкава, што ўзiмку арнгітолагі рэгiструюць вiды птушак, якiя прылятаюць да нас з поўначы Расii, распавядае вядучы навуковы супрацоўнiк лабараторыi арнiталогii НПЦ НАН Беларусi па бiярэсурсах Наталля Карлiёнава.

Стэнт-графты, стэнты, біялагічны клапан сэрца, сасудны пратэз, аклюдары, фільтры-лавушкі для тромбаў... Усе гэтыя вырабы імпартуюцца і каштуюць нятанна. Таму цалкам зразумела, што нашы вучоныя разам з дактарамі ўзяліся выправіць сітуацыю: распрацавалі беларускія аналагі дарагіх вырабаў. Ужо ў наступным годзе пацыенты змогуць паправіць здароўе з дапамогай гэтых навацый. У нашай краіне пратэзы сасудаў карыстаюцца вялікім попытам, адзначае галоўны кардыёлаг Міністэрства аховы здароўя, акадэмік НАН Беларусі, дырэктар РНПЦ кардыялогіі Аляксандр Мрочак.

Надвор’е ў лютым гучна зайграла вясновымі напевамі. Неўзабаве кветкі пускаюцца ў рост, на дрэвах і кустах набухаюць пупышкі. Такога, кажуць спецыялісты Цэнтральнага батанічнага саду Нацыянальнай акадэміі навук, не было ніколі! Экскурсію па лютаўскай вясне ў садзе праводзіць старшы навуковы супрацоўнік лабараторыі інтрадукцыі драўняных раслін Цэнтральнага батанічнага сада НАН Беларусі Міхаіл Рудзевіч.

Бiёлагi гавораць, што зiмой у нашай клiматычнай зоне можна налічыць больш за 100 відаў птушак. Але за апошнія гады гэтая лічба павялічылася. У асноўным за кошт тых птушыных, хто раней не меў шанцаў перажыць суровыя халады. Не першую марозную пару ў розных кутках краіны, напрыклад, назіраюць буслоў, якiя чамусьці вырашылi правесцi час тут. Гэтая зіма не выключэнне. Чаму птушкі не адлятаюць i ці трэба турбавацца за небарак, распавядаюць спецыялісты, у тым ліку загадчыца лабараторыі арніталогіі Навукова-практычнага цэнтра НАН Беларусі па біярэсурсах Ірына Самусенка.