Изв. НАН Беларуси, серия гуманитарных наук. Правила для авторов

Известия Национальной академии наук Беларуси. Серия гуманитарных наук. Правила для авторов

ИЗВЕСТИЯ НАЦИОНАЛЬНОЙ АКАДЕМИИ НАУК БЕЛАРУСИ
Серия гуманитарных наук
Издатель Беларуская навука, Минск, Республика Беларусь
Часопіс "Весці Нацыянальнай акадэміі навук Беларусі. Серыя гуманітарных навук" асвятляе пытанні тэорыі і вынікі навуковых работ інстытутаў Нацыянальнай акадэміі навук Беларусі і іншых навукова-даследчых устаноў краіны ў галіне гісторыі, эканомікі, філасофіі, сацыялогіі, права, этнаграфіі, фальклору, літаратуразнаўства, мовазнаўства, мастацтвазнаўства. Публікуюцца таксама рэцэнзіі, анатацыі дэпаніраваных артыкулаў, хроніка навуковага жыцця НАН Беларусі і іншыя матэрыялы. Разлічаны на супрацоўнікаў навукова-даследчых інстытутаў, прафесарска-выкладчыцкі састаў, студэнтаў, аспірантаў, прапагандыстаў, настаўнікаў.

ПРАВІЛЫ ДЛЯ АЎТАРАЎ

1. Артыкул падаецца ў двух экзэмплярах на беларускай мове.

Да артыкула неабходна вызначыць індэкс па Універсальнай дзесятковай класіфікацыі (УДК).

Артыкул суправаджаецца накіраваннем установы, у якой выканана даследаванне, выпіскай з пратакола пасяджэння вучонага савета, аддзела або кафедры, рэцэнзіяй.

2. Аб'ём артыкула (тэкст, літаратура, рэферат на рускай мове, рэзюмэ на англійскай мове, табліцы) не павінен перавышаць 15 старонак. Рэферат (2 экз.) і рэзюмэ (2 экз.) падаюцца на асобных лістах. Колькасць малюнкаў -- не больш трох.

3. Літаратура, выкарыстаная ў артыкуле, падаецца на асобным лісце; спасылкі ў тэксце даюцца парадкавым нумарам у квадратных дужках (напрыклад, [1]). Спіс літаратуры павінен быць аформлены такім чынам:

а) для кніг: прозвішча аўтара, ініцыялы, поўная назва кнігі, месца выдан ня, год выдання, нумар тома;

б) для часопісных артыкулаў: прозвішча аўтара, ініцыялы, поўная назва артыкула, назва часопіса, год, нумар, старонкі ад -- да;

в) для газет: назва газеты, год, лічба, месяц.

4. Спасылкі на неапублікаваныя працы не дазваляюцца.

5. На асобным лісце ўказваюцца прозвішча, імя, імя па бацьку аўтара, яго адрас, нумар тэлефона і поўная назва ўстановы, дзе ён працуе.

6. Разам з артыкулам падаецца дыскета стандартнага фармату. Электронны варыянт павінен быць набраны ў Word пад Windows. Для формул -- формульны рэдактар Word або Mathtape. Формульным рэдактарам у Word карыстацца толькі для набору складаных формул.

Малюнкі даюцца ў выглядзе асобных файлаў у фармаце TIF (для IBM) або ў фарматах, створаных у пакетах Photoshop, Coreldraw, Adobe Illustrator (IBM, Macintosh). Сфарміраваны ў Word графічны малюнак аб'яднаць у групу або зрабіць яго праз опцыю стварэння малюнка.

7. Карэктуры артыкулаў аўтарам, як правіла, не дасылаюцца. У выпадку пасылкі карэктура павінна быць вернута ў рэдакцыю не пазней наступнага дня пасля атрымання яе аўтарам. Затрымка карэктуры не прыпыняе друка ванне артыкула.

8. У тым выпадку, калі аўтару вяртаецца артыкул для выпраўлення або скарачэння, датай падачы лічыцца дзень атрымання рэдакцыяй канчатковага тэксту.

/ Издания академии / Научные журналы / К началу страницы

Распрацавана і падтрымліваецца Мікалаем М. Касцюковічам. Апошняе абнаўленне: 6 верасня 2008 г.
Создана при участии Игнатия И. Корсака
Копирайт © 2000-2008 Нацыянальная акадэмiя навук Беларусi
Капірайт © 2006 Выдавецтва "Беларуская навука"