18 лістапада 2020 года дэлегацыя прадстаўнікоў НАН Беларусі на чале са Старшынёй Прэзідыума НАН Беларусі Уладзімірам Гусаковым наведала СЗАТ «БЕЛДЖЫ».
Асноўная мэта візіту – знаёмства з работай прадпрыемства, асаблівасцямі вытворчасці, выпрацоўка прапаноў для далейшага супрацоўніцтва. Невыпадкова ў складзе дэлегацыі дырэктары ўстаноў і вытворчых прадпрыемстваў НАН Беларусі, дзейнасць якіх так або іначай звязана з аўтапрамысловасцю.
Дырэктар завода Белджы Генадзій Свідзерскі прадэманстраваў вучоным магчымасці цэхаў зваркі, афарбоўкі аўтамабіляў, а таксама пазнаёміў з перспектывамі развіцця прадпрыемства. Галоўная задача – пашырыць лакалізацыю вытворчасці легкавых аўтамабіляў у нашай краіне, павысіць якасць гатовай прадукцыі.
У бліжэйшы час вучоныя плануюць унесці прапановы па развіцці партнёрства з заводам БЕЛДЖЫ.