На апаратнай нарадзе 25 ліпеня 2022 года Старшыня Прэзідыума НАН Беларусі акадэмік Уладзімір Гусакоў уручыў нагрудны знак «Вялікі медаль Нацыянальнай акадэміі навук Беларусі» Ціхаміраву Сяргею Аляксандравічу, намесніку акадэміка-сакратара Аддзялення фізікі, матэматыкі і інфарматыкі НАН Беларусі, члену-карэспандэнту – за значны асабісты ўнёсак у развіццё беларускай навукі і высокія навукова-тэхнічныя дасягненні.

Памятны знак «У гонар 100-годдзя Інстытута беларускай культуры» ўручаны прадстаўнікам арганізацый Аддзялення фізікі, матэматыкі і інфарматыкі. Высокай узнагароды за значны асабісты ўнёсак у развіццё беларускай навукі, плённую дзейнасць па ўмацаванні навуковага патэнцыялу краіны ўдастоены: Аронаў Аркадзь Геселевіч, галоўны навуковы супрацоўнік Цэнтра геафізічнага маніторынгу НАН Беларусі; Длугуновіч Вячаслаў Андрэевіч, начальнік «Выпрабавальнага цэнтра лазернай тэхнікі» Інстытута фізікі імя Б. І. Сцяпанава НАН Беларусі; Казак Мікалай Станіслававіч, генеральны дырэктар ДНВА «Оптыка, оптаэлектроніка і лазерная тэхніка», акадэмік; Кернасоўскі Юрый Міхайлавіч, дырэктар ААТ «Мінскі навукова-даследчы інстытут радыёматэрыялаў»; Лішык Сяргей Іванавіч, вучоны сакратар – начальнік навукова-даследчага аддзела Цэнтра святлодыёдных і оптаэлектронных тэхналогій НАН Беларусі.

Шчыра віншуем усіх узнагароджаных і жадаем новых поспехаў!