Супрацоўнікі Інстытута глебазнаўства і аграхіміі НАН Беларусі арганізавалі і правялі два семінары па вядзенні вытворчасці ва ўмовах радыеактыўнага забруджвання тэрыторый для спецыялістаў сельскай гаспадаркі і прадстаўнікоў сялянскіх (фермерскіх) гаспадарак, работнікаў сельскай гаспадаркі і (радые)экалагічнага профілю, а таксама іншых зацікаўленых асоб Гомельскай і Магілёўскай абласцей. У рабоце семінараў з дакладамі і ў дыскусіях прынялі ўдзел супрацоўнікі Дэпартамента па ядзернай і радыяцыйнай бяспецы МНС, навуковыя супрацоўнікі Інстытута глебазнаўства і аграхіміі НАН Беларусі, Інстытута радыебіялогіі НАН Беларусі, Палескага дзяржаўнага радыяцыйна-экалагічнага запаведніка, Магілёўскай і Гомельскай АППСГ, спецыялісты ўпраўленняў па сельскай гаспадарцы і харчаванні раёнаў Магілёўскай і Гомельскай абласцей.

У дакладах семінара прыведзены аналіз сучаснага стану радыеактыўнана забруджвання і ўрадлівасці глеб сельскагаспадарчых зямель; выкладзена метадалогія прагнозу радыеактыўнага забруджвання раслінаводчай прадукцыі; удакладнены каэфіцыенты пераходу 137Cs і 90Sr з глебы ў раслінаводчую прадукцыю з пашырэннем пераліку сельскагаспадарчых культур; прыведзены прынцыпы і агратэхналагічныя асаблівасці зямлі ва ўмовах радыеактыўнага забруджвання; выкладзены сучасныя патрабаванні радыяцыйнай бяспекі ў сельскагаспадарчай вытворчасці.

Азнаямленне прадстаўнікоў органаў кіравання, раённых спецыялістаў сельскагаспадарчай галіны і прадстаўнікоў фермерскіх гаспадарак з новымі распрацоўкамі вучоных будзе садзейнічаць прымяненню на практыцы мерапрыемстваў па зніжэнні пераходу радыенуклідаў у кармы і прадукты харчавання.