16 лістапада 2023 года ў Нацыянальнай акадэміі навук Беларусі ў фармаце відэаканферэнцыі адбылося чарговае пасяджэнне Навуковага савета па аграрных праблемах (далей — Навуковы Савет) Міжнароднай асацыяцыі акадэмій навук (далей — МААН) пад старшынствам намесніка Старшыні Прэзідыума НАН Беларусі, члена-карэспандэнта П. П. Казакевіча, які з’яўляецца сустаршынёй гэтага Савета.

У цяперашні час склад Навуковага савета па аграрных праблемах МААН уключае 29 чалавек з 6 краін, у тым ліку: 13 з Беларусі, 10 — Расійскай Федэрацыі, 2 — Кыргызстана, 1 — Азербайджана, 1 — Грузіі, 2 Казахстана.

У мерапрыемстве актыўны ўдзел прынялі навукоўцы з шасці краін: Беларусі, Расіі, Казахстана, Кыргызстана, Грузіі, Азербайджана. Парадак дня пасяджэння Навуковага Савета ўключаў пытанні актуалізацыі новых членаў і даклады на тэму «Забеспячэнне харчовай бяспекі краін — удзельніц Навуковага савета».

У склад Навуковага Савета былі прыняты 3 новыя члены, у тым ліку:

– у 2022 годзе акадэмік РАН, Доннік Ірына Міхайлаўна, памочнік прэзідэнта НДЦ «Курчатаўскі інстытут» была ўключана ў склад членаў Навуковага Савета па аграрных праблемах у якасці сустаршыні;

– у 2023 годзе па выніках міжнароднага супрацоўніцтва ў склад Навуковага Савета былі ўключаныя 2 прадстаўнікі ад Расійскага боку — акадэмік-сакратар агра- і біятэхналогій Акадэміі Навук Рэспублікі Башкартастан Сафін Халіл Масгутавіч і дырэктар Валагодскага навуковага цэнтра РАН Шабунова Аляксандра Анатольеўна.

Былі заслуханы наступныя даклады:

«Рэалізацыя сістэмы дасягнення якасці харчовых прадуктаў»

Дакладчык: Меляшчэня Аляксей Віктаравіч — генеральны дырэктар Рэспубліканскага ўнітарнага прадпрыемства «Навукова-практычны цэнтр Нацыянальнай акадэміі навук Беларусі па харчаванні», кандыдат эканамічных навук, дацэнт.

«Стратэгія забеспячэння нацыянальнай харчовай бяспекі Рэспублікі Беларусь у кантэксце глабальных тэндэнцый»

Дакладчык: Піліпук Андрэй Уладзіміравіч — дырэктар Рэспубліканскага навуковага ўнітарнага прадпрыемства «Інстытут сістэмных даследаванняў у АПК Нацыянальнай акадэміі навук Беларусі», член-карэспандэнт, доктар эканамічных навук, прафесар.

«Навуковае забеспячэнне галіны раслінаводства ў Рэспубліцы Беларусь»

Дакладчык: Лужынскі Дзмітрый Уладзіміравіч — намеснік генеральнага дырэктара па навуковай рабоце рэспубліканскага ўнітарнага прадпрыемства «Навукова-практычны цэнтр Нацыянальнай акадэміі навук Беларусі па земляробстве», кандыдат сельскагаспадарчых навук, дацэнт.

«Забеспячэнне падрыхтоўкі кадраў у галіне харчовай бяспекі ў Рэспубліцы Казахстан»

Дакладчык: Абдыраў Айтжан Мухамеджанавіч, — Член праўлення — першы прарэктар, доктар педагагічных навук, кандыдат тэхнічных навук, прафесар, акадэмік АПНК

Сустаршынёй Навуковага Савета П. П. Казакевічам была адзначана важная роля аграрнай навукі ў забеспячэнні харчовай бяспекі Рэспублікі Беларусь. Праца арганізацый аграрнага профілю Акадэміі навук па навуковым суправаджэнні закранае ўсе сферы аграпрамысловага комплексу: забяспечвае стварэнне і ўкараненне ў вытворчасць найноўшых высокапрадукцыйных сартоў і гібрыдаў сельскагаспадарчых раслін, прадуктаў харчавання, парод жывёл, сучаснай высокапрадукцыйнай сельскагаспадарчай тэхнікі і абсталявання.

Удзельнікі пасяджэння прапанавалі правесці наступнае пасяджэнне Навуковага Савета ў кастрычніку — лістападзе 2024 г. па тэматыках: сістэма машын як аснова сучасных эфектыўных тэхналогій вытворчасці сельскагаспадарчай прадукцыі або геномныя метады ў жывёлагадоўлі.