Рашэннем Бюро Прэзідыума НАН Беларусі зацверджаны спіс лаўрэатаў штогадовага конкурсу «100 маладых талентаў Нацыянальнай акадэміі навук Беларусі» за 2023 год.

Лаўрэатамі сталі:
- Антон Ананчыкаў, загадчык сектара электрагідраўлічных сістэм кіравання ДНУ «Аб’яднаны інстытут машынабудавання НАН Беларусі», кандыдат тэхнічных навук, дацэнт;
- Арцём Збігневіч Багданаў, загадчык аддзела палявой кормавытворчасці РУП «Навукова-практычны цэнтр НАН Беларусі па земляробстве», кандыдат сельскагаспадарчых навук;
- Ілья Глазаў, навуковы супрацоўнік лабараторыі фотахіміі і электрахіміі ДНУ «Інстытут агульнай і неарганічнай хіміі НАН Беларусі», кандыдат хімічных навук;
- Ірына Калеснік, навуковы супрацоўнік лабараторыі хіміі гетэрацыклічных злучэнняў ДНУ «Інстытут фізіка-арганічнай хіміі НАН Беларусі», кандыдат хімічных навук;
- Кацярына Кулагава, навуковы супрацоўнік лабараторыі мікрабіялагічных даследаванняў Рэспубліканскага кантрольна-выпрабавальнага комплексу па якасці і бяспецы прадуктаў харчавання РУП «Навукова-практычны цэнтр НАН Беларусі па харчаванні», кандыдат тэхнічных навук;
- Рыгор Рымскі, старшы навуковы супрацоўнік лабараторыі фізікі магнітных матэрыялаў ДНВА «Навукова-практычны цэнтр НАН Беларусі па матэрыялазнаўстве», кандыдат фізіка-матэматычных навук;
- Віктар Урбан, навуковы супрацоўнік лабараторыі імуналогіі і вірусалогіі ДНУ «Інстытут біяфізікі і клетачнай інжынерыі НАН Беларусі», кандыдат біялагічных навук.

Штогадовы конкурс «100 маладых талентаў Нацыянальнай акадэміі навук Беларусі» заснаваны ў 2018 годзе. Агульная колькасць маладых навукоўцаў, якія адначасова ўваходзяць у банк даных «100 маладых талентаў Нацыянальнай акадэміі навук Беларусі», не можа перавышаць 100 чалавек, а штогадовая колькасць лаўрэатаў конкурсу — не больш за 20 чалавек. Знаходжанне ў банку даных кандыдатаў навук — да дасягнення імі 35-гадовага ўзросту, дактароў навук — да 45 гадоў.

Да ўдзелу ў конкурсе дапускаюцца кандыдаты навук ва ўзросце да 30 гадоў і дактары навук ва ўзросце да 40 гадоў, якія працуюць у арганізацыях НАН Беларусі. Лаўрэаты конкурсу ўключаюцца ў банк даных «100 маладых талентаў Нацыянальнай акадэміі навук Беларусі» (з выдачай адпаведнага сертыфіката) і ў рэзерв кіраўнічых кадраў НАН Беларусі, атрымліваюць штогадовы грант на ўдзел у міжнародным навуковым, навукова-арганізацыйным або навукова-практычным мерапрыемстве (канферэнцыі, сімпозіумы, навуковыя школы, кароткатэрміновыя стажыроўкі і інш.) і штогадовую прэмію ў памеры да 7 базавых ставак у перыяд уваходжання ў банк даных.

Мэта конкурсу «100 маладых талентаў Нацыянальнай акадэміі навук Беларусі» — рэалізацыя мер па прыцягненні і замацаванні таленавітай моладзі ў навуковай, навукова-тэхнічнай і інавацыйнай сферах; стварэнне маладзёжных навукова-даследчых груп і амаладжэнне кадравага складу навуковых арганізацый; забеспячэнне пераемнасці паміж вучонымі розных пакаленняў.