У гонар Дня беларускай навукі вялікай групе вучоных НАН Беларусі ўручаны высокія ўзнагароды

На ўрачыстым сходзе навуковай грамадскасці краіны, які адбыўся 26 студзеня 2024 года ў Нацыянальнай бібліятэцы Беларусі, уручаны высокія ўзнагароды Савета Міністраў Рэспублікі Беларусь, ДКНТ, НАН Беларусі і Вышэйшай атэстацыйнай камісіі.

На выставе, прымеркаванай да Дня беларускай навукі, 30 арганізацый НАН Беларусі прадставілі больш за 100 навукова-тэхнічных распрацовак. Цікавым дадаткам выставы сталі сумесныя беларуска-кітайскія распрацоўкі, якія прадэманстравалі акадэмічныя інстытуты ў рамках міжнароднага супрацоўніцтва, сярод іх ДНУ «Фізіка-тэхнічны інстытут НАН Беларусі», ДНУ «Інстытут мікрабіялогіі НАН Беларусі», ДНВА «Хімсінтэз і біятэхналогіі», ГВВ ІБАХ і іншыя. У выставе прынялі ўдзел прадстаўнікі Акадэміі навук правінцыі Шаньдун (КНР) і Акадэміі навук правінцыі Гуандун (КНР), якія таксама прадставілі на выставе шэраг сваіх распрацовак.

29 студзеня 2024 года адбылася ўрачыстая цырымонія ўзнагароджання лаўрэатаў шэрагу акадэмічных конкурсаў па выніках 2023 года.

Старшыня Прэзідыума НАН Беларусі Уладзімір Гусакоў уручыў дыплом і медаль пераможцу конкурсу «Вучоны года НАН Беларусі – 2023» акадэміку-сакратару Аддзялення аграрных навук НАН Беларусі, доктару тэхнічных навук, дацэнту, члену-карэспандэнту Азаранку Уладзіміру Вітальевічу.

Дыпломы лаўрэатаў уручаны лаўрэатам конкурсу «Топ-10» вынікаў дзейнасці вучоных НАН Беларусі ў галіне фундаментальных і прыкладных даследаванняў, а таксама лаўрэатам прэміі імя акадэміка Валянціна Капцюга.

Дыпломы лаўрэатаў былі ўручаны і пераможцам конкурсу на найлепшае прадстаўленне навуковых дасягненняў 2023 года ў сродках масавай інфармацыі. Гэта — прадстаўнікі вядучых сродкаў масавай інфармацыі краіны.