10 кастрычніка 2024 года (чацвер) з 9 раніцы ў НАН Беларусі (пр. Незалежнасці, 66, хол першага паверха) разгорнецца маштабная выстава III Форуму IT-Акадэмгорада «Штучны інтэлект у Беларусі». На ёй будзе прадстаўлена больш за 100 праектаў 65 арганізацый краіны.
Вынікі сваіх навуковых даследаванняў прадэманструюць арганізацыі краіны розных сфер дзейнасці і формаў уласнасці. Гэта — навуковыя арганізацыі, якія займаюцца даследаваннямі ў галіне прымянення метадаў штучнага інтэлекту, прадстаўнікі тэхнапаркаў, рэзідэнтаў Парка высокіх тэхналогій, беларускіх прадпрыемстваў, прыватных кампаній, устаноў адукацыі, Ваеннай акадэміі Рэспублікі Беларусь. Галоўнай адметнасцю выставы стане ўдзел беларускіх школьнікаў са сваімі распрацоўкамі ў галіне робататэхнікі.
Галоўны арганізатар выставы — Аб’яднаны інстытут праблем інфарматыкі НАН Беларусі прадставіць самыя апошнія распрацоўкі ў галіне штучнага інтэлекту, медыцыны, біяінфарматыкі, робататэхнікі і маўленчых тэхналогій. Сёлета асаблівы акцэнт будзе зроблены на распрацоўкі ў сферы медыцыны. Сярод іх праект па камп’ютарным мадэляванні патэнцыйных лекавых прэпаратаў. Асаблівасць гэтай распрацоўкі заключаецца ва ўжыванні генератыўнага аўтаэнкодара ў спалучэнні з малекулярным мадэляваннем для выяўлення новых магутных інгібітараў асноўнай пратэазы каранавіруса SARS-CoV-2, якія граюць важную ролю ў рэплікацыі транскрыпцыі віруса. Асобна варта адзначыць яшчэ адну распрацоўку ў сферы медыцыны. Гэта — нейрасеткавы праграмны комплекс для падтрымкі прыняцця рашэнняў пры дыягностыцы захворванняў лёгкіх на аснове рэнтгенаўскіх і тамаграфічных малюнкаў (LungExpert). Гэты комплекс прызначаны для аўтаматызацыі працэсаў дыягностыкі захворванняў лёгкіх па камп’ютарна-тамаграфічным і рэнтгенаўскім малюнках на аснове метадаў глыбокага навучання і штучнага інтэлекту. Дзякуючы яму вырашаюцца задачы сегментацыі лёгкіх, выдзялення новаўтварэнняў, а таксама адбываецца колькасная ацэнка паражэнняў. Праграма распрацавана ў выглядзе вэб-сайта: https://lungs.org.by. Наступнае інавацыйнае рашэнне ад АІПІ НАН Беларусі асабліва неабходнае ва ўмовах імклівага росту аб’ёмаў даных і неабходнасці іх эфектыўнага кіравання — праграмны комплекс збору, захоўвання і апрацоўкі даных дыстанцыйнага зандзіравання Зямлі на базе тэхналогіі «куба даных» (data cube), («BYCube»). Ён дазваляе: мінімізаваць час і спецыяльныя веды, неабходныя для доступу і падрыхтоўкі спадарожнікавых даных; акумуляваць у адным месцы бясплатныя і адкрытыя спадарожнікавыя даныя на Рэспубліку Беларусь; зрабіць даступнымі праграмныя рашэнні па апрацоўцы даных Д33 з адкрытым зыходным кодам, якія прасоўваюцца дзякуючы ўкладу супольнасці; выкарыстоўваць ўзгодненыя структуры даных, якія дазваляюць сумесна выкарыстоўваць код, інструменты і алгарытмы; сумесна выкарыстоўваць некалькі разнастайных набораў даных Д33.
Інстытут эксперыментальнай батанікі НАН Беларусі прадставіць свае распрацоўкі ў галіне прымянення штучнага інтэлекту для вывучэння стану і прагназавання дынамікі расліннага покрыва. Распрацаваны прадукт дазваляе праводзіць раннюю дыягностыку захворванняў іглічных парод дрэў, прагназаваць дынаміку расліннага покрыва і імавернасць узнікнення надзвычайных сітуацый з прычыны змены клімату, а таксама аўтаматызавана класіфікаваць расліннае покрыва.
ДНВА «НПЦ НАН Беларусі па біярэсурсах» прадставіць на выставе ШІ мадэль «Гукі NET», якая ажыццяўляе акустычнае вызначэнне відаў жывёл у дзікім асяроддзі. «Гукі NET» дае спецыялістам інструмент для аналізу вялікіх аб’ёмаў даных і залучае насельніцтва ў практыку грамадзянскай навукі для маніторынгу жывёльнага свету. Актуальная версія «Гукі NET» спецыялізаваная на лясных відах птушак і даступная праз вэб-сайт і мабільную праграму.
10 кастрычніка 2024 года ў 10.00 у НАН Беларусі (пр. Незалежнасці, 66) адбудзецца ўрачыстае адкрыццё III Форуму IT-Акадэмгорада «Штучны інтэлект у Беларусі», прымеркаванага да Дня Нацыянальнай акадэміі навук Беларусі.
ПРАГРАМА
III Форуму IT-Акадэмгорада «Штучны інтэлект у Беларусі», прымеркаванага да Дня Нацыянальнай акадэміі навук Беларусі
10 кастрычніка (чацвер) 2024 года
09.00-18.00 — праца выставы III Форуму IT-Акадэмгорада «Штучны інтэлект у Беларусі» (НАН Беларусі, пр-т Незалежнасці, 66. Хол першага паверха);
09.40-10.00 — Прэс-падыход (НАН Беларусі, г. Мінск, пр-т Незалежнасці, 66, фае 1 паверха);
10.00-10.30 — адкрыццё III Форуму IT-Акадэмгорада «Штучны інтэлект у Беларусі». Узнагароджанне пераможцаў адкрытага конкурсу «Лідары штучнага інтэлекту Беларусі» (НАН Беларусі, пр-т Незалежнасці, 66. Хол першага паверха);
13.30-18.00 — пленарнае пасяджэнне «Актуальныя пытанні развіцця штучнага інтэлекту ў Рэспубліцы Беларусь» (ДНУ «Аб’яднаны інстытут праблем інфарматыкі НАН Беларусі, г. Мінск, вул. Сурганава, 6, актавая зала).
11 кастрычніка (пятніца) 2024 года
09.00-18.00 — праца выставы III Форуму IT-Акадэмгорада «Штучны інтэлект у Беларусі» (НАН Беларусі, пр-т Незалежнасці, 66. Хол першага паверха);
Уся дзелавая праграма будзе праходзіць па адрасе: (ДНУ «Аб’яднаны інстытут праблем інфарматыкі НАН Беларусі», г. Мінск, вул. Сурганава, 6)
9.00-12.20 — СЕКЦЫЙНЫЯ ПАСЯДЖЭННІ І КРУГЛЫЯ СТАЛЫ:
Секцыйнае пасяджэнне «Практычныя аспекты ўкаранення тэхналогій штучнага інтэлекту» (актавая зала, 1 паверх)
Круглы стол «Штучны інтэлект у медыцыне: сферы, тэхналогіі і перспектывы, абарона інфармацыі» (аўд. 206, 2 паверх)
Круглы стол «Тэхналогіі штучнага інтэлекту ў Рэспубліцы Беларусь: прававое рэгуляванне, праблемы і перспектывы» (аўд. 203, 2 паверх)
12.30-12.40 — урачыстая цырымонія далучэння новых удзельнікаў да Кодэкса этыкі ў сферы штучнага інтэлекту (актавая зала, 1 паверх)
12.40-13.00 — падвядзенне вынікаў III Форуму IT-Акадэмгорада «Штучны інтэлект у Беларусі» (актавая зала, 1 паверх)
16.00-18.00 — урачысты сход навуковай грамадскасці, прысвечаны Дню Нацыянальнай акадэміі навук (Канферэнц-зала НАН Беларусі № 2, 4 паверх (ДНУ «Інстытут гісторыі Нацыянальнай акадэміі навук Беларусі», г. Мінск, вул. Акадэмічная, 1).