18 верасня 2025 года ў Нацыянальнай акадэміі навук Беларусі адбудзецца 38-е пасяджэнне Савета Міжнароднай асацыяцыі акадэмій навук (МААН) ) (пр-т Незалежнасці, 66 і вул. Акадэмічная, 1, зала пасяджэнняў Прэзідыума № 2, 4-ы паверх). Напярэдадні пройдзе пасяджэнне Савета маладых навукоўцаў МААН.
З 2017 года Нацыянальная акадэмія навук Беларусі выконвае функцыі штаб-кватэры МААН у яе арганізацыйным і метадычным суправаджэнні. Асацыяцыя аб'ядноўвае 27 акадэмій навук і буйных навуковых цэнтраў з 16 краін свету (дзяржавы СНД, Кітай, В'етнам, Манголія, Грузія, Куба і Чарнагорыя). У рамках МААН функцыянуе 27 навуковых саветаў па перадавых галінах навукі. Кіраўнік асацыяцыі – Старшыня Прэзідыума НАН Беларусі. Вышэйшы кіруючы орган Міжнароднай асацыяцыі акадэмій навук – Савет МААН.
На мерапрыемства запрошаны кіраўнікі і прадстаўнікі кіраўніцтва Нацыянальных акадэмій навук Беларусі, Расіі, некалькіх правінцый Кітая, В'етнама, Азербайджана, Арменіі, Кубы, Кыргызскай Рэспублікі, Узбекістана і іншыя.
У рабоце Савета МААН таксама прымуць удзел кіраўнікі вядучых навуковых цэнтраў. Сярод іх – НДЦ «Курчатаўскі інстытут» (Расія), Маскоўскі фізіка-тэхнічны інстытут (МФТІ), Расійская акадэмія адукацыі, Расійскі цэнтр навуковай інфармацыі і іншыя.
З прывітаннем у адрас удзельнікаў пасяджэння звернуцца Генеральны сакратар СНД С.М. Лебедзеў, дзяржаўны сакратар Саюзнай дзяржавы С.Ю. Глазьеў, кіраўнікі замежных і міжнародных арганізацый.
На пасяджэнні будзе разгледжаны шэраг важных пытанняў. Удзельнікі абмяркуюць асноўныя вынікі дзейнасці МААН і перспектыўныя напрамкі развіцця асацыяцыі, дзейнасць Савета маладых навукоўцаў МААН, абранне сапраўдных членаў (акадэмікаў) МААН і іншыя важныя праблемы. У цэнтры ўвагі кіраўнікоў акадэмій навук будуць пытанні далейшага ўзаемавыгаднага супрацоўніцтва па ключавых напрамках развіцця сучаснай навукі, вядучыя навукоўцы розных краін выступяць з навуковымі дакладамі.
Пачатак пасяджэння ў 10:00.
