НАН Беларусі і Сіаньскі ўніверсітэт электронікі і тэхналогій Кітая абмеркавалі перспектывы супрацоўніцтва
У Нацыянальнай акадэміі навук Беларусі сёння адбылася сустрэча намесніка Старшыні Прэзідыума НАН Беларусі Аляксея Труханава з дэлегацыяй Сіаньскага ўніверсітэта электронікі і тэхналогій Кітая на чале з кіраўніком факультэта інтэгральных схем Ган Сяо.
Бакі абмеркавалі шырокае кола пытанняў па перспектыўных напрамках двухбаковага навукова-тэхнічнага супрацоўніцтва, у тым ліку ў галіне паўправаднікоў і мікраэлектронікі.
Ад Акадэміі навук у сустрэчы ўдзельнічалі акадэмік-сакратар аддзялення фізікі, матэматыкі і інфарматыкі Аляксандр Шумілін, дырэктар Інстытута фізікі імя Б. I. Сцяпанава Сяргей Гапоненка, генеральны дырэктар ДНВА «Оптыка, оптаэлектроніка і лазерная тэхніка» Максім Багдановіч і інш.
Для кітайскай дэлегацыі правялі экскурсію па пастаянна дзеючай выставе «Дасягненні айчыннай навукі – вытворчасці». Праграмай візіту прадстаўнікоў Сіаньскага ўніверсітэта электронікі і тэхналогій запланавана таксама наведванне ААТ «Мінскі НДІ радыёматэрыялаў».
