У НАН Беларусі адбылася нарада па выключэнні нядобрасумленнага пасрэдніцтва
Каля ста прадстаўнікоў акадэмічных арганізацый і ўстаноў прынялі ўдзел у нарадзе па выключэнні нядобрасумленнага і неабгрунтаванага пасрэдніцтва, якая прайшла ў Нацыянальнай акадэміі навук Беларусі.
Звяртаючыся да ўдзельнікаў мерапрыемства, галоўны вучоны сакратар НАН Беларусі Васіль Гурскі адзначыў, што асноўная мэта нарады – павышэнне ўзроўню кампетэнцый на аснове атрымання актуальнай інфармацыі ў гэтай сферы. «Дадзеная праблематыка аказвае істотны ўплыў на развіццё цэлага шэрагу сфер: ад эканомікі, дзе фарміруецца канкурэнтная перавага айчынных тавараў, да пытанняў прававога рэгулявання і выкаранення карупцыйных праяў і стварэння выразнай празрыстай сістэмы функцыянавання дзяржаўных органаў і арганізацый», – сказаў ён.
Васіль Гурскі падкрэсліў, што павышэнне кваліфікацыі акадэмічных спецыялістаў з'яўляецца найважнейшым напрамкам дзейнасці НАН Беларусі. «Нацыянальная акадэмія навук прыкладае ўсе намаганні для выкаранення неабгрунтаванага пасрэдніцтва. З аднаго боку, гэта ўключэнне навукоўцаў у працэсы навуковага абмеркавання, дыскурсу па пытаннях нарматыўна-правага рэгулявання, з другога – гэта аптымізацыя працэсаў закупак як нашымі арганізацыямі, так і патэнцыяльнымі спажыўцамі. Намі ўжо праведзена пэўная папярэдняя работа ў частцы ацэнкі прававога рэгулявання пасрэдніцтва, праведзены таксама агульны аналіз сітуацыі ў арганізацыі закупак», – заявіў галоўны вучоны сакратар Акадэміі навук.
Спікерамі мерапрыемства выступілі прадстаўнікі Камітэта дзяржаўнага кантролю, Генеральнай пракуратуры, МУС і Нацыянальнага цэнтра падтрымкі экспарту.
Нагадаем, што 12 сакавіка ў Кіраўніка дзяржавы адбылася нарада аб мерах па выключэнні неабгрунтаванага і нядобрасумленнага пасрэдніцтва. Аляксандр Лукашэнка запатрабаваў дакладнага падзелу паміж пасрэдніцтвам абгрунтаваным і неабгрунтаваным, у тым ліку ў сферы сельскай гаспадаркі.
