НАН Беларусі і ўзбекская «R&D Park» падпісалі мемарандум аб супрацоўніцтве
Нацыянальная акадэмія навук Беларусі і ТАА «R&D Park» (Узбекістан) падпісалі сёння ў Мінску мемарандум аб супрацоўніцтве. Подпісы пад дакументам паставілі першы намеснік Старшыні Прэзідыума НАН Беларусі Віталій Залескі і дырэктар навукова-вытворчага комплексу Кабілджон Казокаў.
Дакументам прадугледжваецца рэалізацыя сумесных навукова-даследчых, інавацыйных і вытворчых праектаў. У рамках мемарандума запланавана таксама правядзенне фундаментальных і прыкладных навуковых даследаванняў, накіраваных на вырашэнне актуальных праблем, у тым ліку ў развіцці перадавых метадаў і тэхналогій.
Візіт дэлегацыі ТАА «R&D Park» у складзе АТ «ТМК» (Узбекскі камбінат тэхналагічных металаў) у Мінск праходзіць з 30 сакавіка па 2 красавіка 2026 года. Праграма іх знаходжання ўключае наведванне акадэмічных прадпрыемстваў і арганізацый, у тым ліку Навукова-практычнага цэнтра па матэрыялазнаўству, Фізіка-тэхнічнага інстытута, Інстытута парашковай металургіі, НВА Цэнтр і інш.
