Аб'яўлены рэспубліканскі конкурс «Лепшы экспарцёр 2025 года»
Арганізатарам конкурсу з'яўляецца Беларуская гандлёва-прамысловая палата.
Гэта адкрыты, заснаваны на аб'ектыўных даных конкурс, які праводзіцца ў мэтах прасоўвання іміджу Рэспублікі Беларусь як актыўнага экспарцёра прадукцыі, работ, паслуг, маёмасных правоў на аб'екты інтэлектуальнай уласнасці, стымулявання развіцця экспартаарыентаванай вытворчасці, заахвочвання беларускіх прадпрыемстваў, якія дабіліся значнага росту экспарту.
ВУ конкурсе могуць прымаць удзел зарэгістраваныя на тэрыторыі Рэспублікі Беларусь асобы, якія ажыццяўляюць прадпрымальніцкую дзейнасць, якія вырабляюць і пастаўляюць вырабленыя ў Рэспубліцы Беларусь тавары на экспарт на працягу не менш за два гады, што папярэднічаюць справаздачнаму перыяду.
Конкурс праводзіцца ў 17 намінацыях і складаецца з двух этапаў – адборачнага і фінальнага.
У фінальным этапе конкурсная камісія вызначыць пераможцаў конкурсу ў кожнай з намінацый. Акрамя таго, конкурсная камісія мае права прымаць рашэнне аб прысуджэнні спецыяльных узнагарод (дыпломаў) для заахвочвання ўдзельнікаў, якія паказалі высокія вынікі па асобных паказчыках экспартнай дзейнасці.
Для ўдзелу ў адборачным этапе конкурсу неабходна да 30 красавіка 2026 г.:
1. Запоўніць конкурсную карту ўдзельніка.
2. Накіраваць яе ў Галоўнае ўпраўленне міжнароднага навукова-тэхнічнага супрацоўніцтва апарату НАН Беларусі (220072, г. Мінск, пр-т Незалежнасці, 66, каб. 448, тэл. 355-34-06).
Інфармацыя аб правядзенні конкурсу, Палажэнне аб конкурсе і карта ўдзельніка размешчаны на афіцыйным сайце БелГПП.
