У Харбіне (КНР) сёння адбылася сустрэча намесніка Старшыні Прэзідыума НАН Беларусі Сяргея Шчарбакова з кіраўніком Інстытута лазерных тэхналогій Акадэміі навук правінцыі Шаньдун Цзя Чжунцын
Падчас сустрэчы бакі абмеркавалі:
пералік заявак для падачы на конкурс флагманскіх праектаў паміж дзвюма краінамі;
правядзенне ў 2026 годзе навуковай канферэнцыі па трыбафатыцы;
пытанні функцыянавання сумеснай лабараторыі «Інтэлектуальнае зандаванне ў экстрэмальных умовах» у рамках ініцыятывы «Пояс і шлях».
Дэлегацыя НАН знаходзіцца з візітам у Харбіне (Кітай) з 26 па 29 красавіка для ўдзелу ў Кітайска-Беларускім навукова-тэхнічным форуме ў сферы электроннай інфармацыі. У рамках візіту члены дэлегацыі прынялі ўдзел у круглым стале, арганізаваным факультэтам электронікі і інфармацыйнай інжынерыі Харбінскага політэхнічнага ўніверсітэта, на якім разглядалася магчымасць рэалізацыі праектаў на кантрактнай аснове ў галіне касмічных даследаванняў, абароны ад электрамагнітнага выпраменьвання і інш.
