Акадэмія навук і Міністэрства сельскай гаспадаркі Ірана абмеркавалі перспектывы супрацоўніцтва
Намеснік Старшыні НАН Беларусі Пётр Казакевіч правёў рабочую сустрэчу з намеснікам міністра сельскай гаспадаркі Ірана Галамрэзай Галмахамадзі.
Асноўнай тэмай перамоў сталі перспектыўныя напрамкі і механізмы далейшага ўзаемадзеяння ў аграрным сектары. Бакі абмеркавалі шырокі спектр пытанняў, якія датычацца абмену вопытам, укаранення перадавых тэхналогій, у тым ліку ІКТ, і сумеснай рэалізацыі інавацыйных праектаў.
Пётр Казакевіч падкрэсліў важнасць інтэграцыі навуковага патэнцыялу і практычнага вопыту для вырашэння актуальных задач аграрнага комплексу, уключаючы павышэнне прадуктыўнасці сельскагаспадарчых культур і ўкараненне сучасных метадаў абароны раслін. Ён таксама зрабіў акцэнт на адаптацыі інавацыйных біятэхналогій і лічбавых рашэнняў для аўтаматызацыі і паляпшэння маніторынгу пасеваў і жывёлагадоўчых гаспадарак.
