У Інстытуце сацыялогіі НАН Беларусі адбыўся экспертны дыялог, прысвечаны адной з самых актуальных тэм сучаснасці – захаванню і развіццю сямейных каштоўнасцей
Удзельнікі сустрэчы з Беларусі і Расіі сабраліся разам, каб прааналізаваць, як змяняецца інстытут сям'і пад уплывам глабальных трэндаў і якія механізмы падтрымкі сёння найбольш эфектыўныя.
Адкрываючы дыскусію, дырэктар Інстытута сацыялогіі НАН Беларусі Мікалай Мыслівец падкрэсліў, што сям'я застаецца падмуркам грамадства, аднак сёння яна сутыкаецца з новымі выклікамі, якія патрабуюць глыбокага навуковага асэнсавання і ўліку мноства фактараў.
Паводле яго слоў, важна не проста фіксаваць змены, а шукаць пункты апоры, якія дапамогуць гарманічна спалучаць вернасць традыцыям з рэаліямі сённяшняга дня.
У ходзе сустрэчы эксперты закранулі шырокі спектр пытанняў: ад дэмаграфічных стратэгій да канкрэтных інструментаў сацыяльнай падтрымкі.
