Старшыня Прэзідыума НАН Беларусі Уладзімір Каранік павіншаваў са святам навучэнцаў і выкладчыкаў.
Ён адзначыў, што першае верасня – радасны і хвалюючы дзень для ўсіх навучэнцаў, але асабліва для першакласнікаў, якія ўпершыню адкрываюць для сябе дзіўны свет ведаў і новых адкрыццяў.
«Сёння ў ліцэі, як і ў многіх іншых установах адукацыі нашай краіны, асаблівая атмасфера – першы дзень навучальнага года. І гэта адчуваецца. Паглядзіце на першакласнікаў, якія толькі-толькі прымерылі на сябе дзелавы стыль, – і вы ўбачыце ў іх вачах цэлую гаму пачуццяў: і хваляванне, і радасць, і трывогу, і цікаўнасць. Яны робяць свае самыя першыя, самыя важныя крокі ў жыцці ў вялікі свет ведаў, – сказаў Уладзімір Каранік. – Зусім іншая справа – адзінаццацікласнікі. У іх вачах чытаецца лёгкі смутак, таму што для іх гэтая лінейка фінальная перад дарогай у дарослае жыццё».
Кіраўнік Акадэміі навук таксама адзначыў, што ў ліцэі сабраліся лепшыя з лепшых. Тыя, хто даказаў сваё права вучыцца ў гэтай установе, прайшоўшы сур'ёзны конкурсны адбор, прадэманстраваўшы свае таленты і здольнасці, а таксама ўпартасць і ўменне дасягаць пастаўленых мэт.
«Школа – гэта не толькі ўрокі, гэта яшчэ і добрая школа жыцця. У школьных сценах мы вучымся сябраваць, любіць, спачуваць і падтрымліваць адзін аднаго. І я рады, што побач з вамі вельмі пісьменныя і прафесійныя педагогі з вялікім сэрцам, якія заўсёды дапамогуць у цяжкую хвіліну. Значэнне іх працы і ўвагі цяжка пераацаніць», – падкрэсліў Уладзімір Каранік.
Па завяршэнні ўрачыстай лінейкі кіраўнік Акадэміі навук прыняў удзел у адкрыцці Біялагічнай навуковай лабараторыі, а таксама правёў лекцыю ў фармаце адкрытага мікрафона для навучэнцаў 10-11 класаў.
