Віншаванне Старшыні Прэзідыума НАН Беларусі Уладзіміра Караніка з Днём народнага адзінства
Паважаныя калегі, дарагія сябры!
Ад імя Прэзідыума Нацыянальнай акадэміі навук Беларусі і сябе асабіста сардэчна віншую вас з Днём народнага адзінства!
Гэтае свята нагадвае нам пра лёсавызначальныя падзеі 1939 года, якія аднавілі гістарычную справядлівасць і з'ядналі беларускі народ у адзіным імкненні жыць і развівацца на сваёй зямлі.
Вечная народная мудрасць абвяшчае: «Адзінства народа ўсе беды адводзіць». Адзінства і згода грамадства – гэта трывалы падмурак незалежнасці, стабільнасці і стварэння, аснова развіцця ўсіх сфер грамадскага жыцця, у тым ліку і навукі.
Сёння перад навукоўцамі стаяць маштабныя задачы па ўмацаванні тэхналагічнага суверэнітэту і інтэлектуальнага патэнцыялу краіны, імпартазамяшчэння і ўкаранення новых тэхналогій у вытворчасць. Перакананы, што згуртаванасць навуковай супольнасці, вернасць традыцыям і адданасць роднаму краю дазволяць нам дамагчыся новых поспехаў на карысць нашай любімай Радзімы. Адзінства ў навуцы – гэта моцны сплаў маладосці і вопыту, свежых ідэй і правераных часам напрацовак, магутнага новага імпульсу і ўменняў, адточаных гадамі інтэнсіўнай працы.
Шчыра жадаю вам, вашым родным і блізкім моцнага здароўя, жыццёвай энергіі, сямейнага цяпла і душэўнай гармоніі!
