7-9 кастрычніка 2015 г. ДНУ «Цэнтральны батанічны сад НАН Беларусі» ў складзе ДНВА "Навукова-практычны цэнтр НАН Беларусі па біярэсурсах» праводзіць III-ю Міжнародную навукова-практычную канферэнцыю «Праблемы захавання біялагічнай разнастайнасці і выкарыстання біялагічных рэсурсаў», прысвечаную 110-годдзю з дня нараджэння акадэміка Н.В.Смольскага*. У працы канферэнцыі возьмуць удзел вядомыя навукоўцы з вядучых навуковых цэнтраў і ўніверсітэтаў Арменіі, Беларусі, Грузіі, Казахстана, Латвіі, Літвы, Малдовы, Расіі, ЗША, Узбекістана, Украіны, што дасць магчымасць разгледзець розныя падыходы, метады і спосабы захавання, вывучэння і выкарыстання біялагічнай разнастайнасці сусветнай флоры і фаўны.

У працэсе работы канферэнцыі плануецца абмеркаванне актуальных пытанняў і абмен вопытам па праблемах:

Рэсурсы і біяразнастайнасць расліннага свету: сучасны стан, узнаўленне, ахова і ўстойлівае выкарыстанне;

Сучасныя напрамкі вывучэння батанічных калекцый для захавання і рацыянальнага выкарыстання біяразнастайнасці расліннага свету;

Біяразнастайнасць і сучасны стан фаўны, праблемы аховы і ўстойлівага выкарыстання.

Адкрыццё канферэнцыі - 7 кастрычніка 2015 г. у 9.30.
Месца правядзення: 7 кастрычніка (пленарнае пасяджэнне, 9.30-13.00) - актавая зала Інстытута эканомікі НАН Беларусі (вул. Сурганава, 1, корп. 2)

Праграма канферэнцыі
Прэс-рэліз

---

* У 2015 годзе спаўняецца 110 гадоў з дня нараджэння вядомага вучонага-батаніка, акадэміка АН Таджыкскай ССР і акадэміка АН Беларускай ССР Мікалая Уладзіслававіча Смольскага (07.10.2005), які ўзначальваў Цэнтральны батанічны сад НАН Беларусі ў перыяд 1955? -1976 гг. У гэтыя гады адбылося адраджэнне і росквіт Саду, яго развіццё і станаўленне як вядучай навукова-даследчай установы. Як сапраўдны вучоны, Смольскі М.У. галоўнай справай свайго жыцця лічыў развіццё навукі, усе сілы, веды, свой творчы талент ён шчодра аддаваў гэтаму любімай справе, выхаваў цэлую плеяду гэтак жа адданых навуцы паслядоўнікаў і вучняў.