22 - 23 кастрычніка 2015 г. у НАН Беларусі праходзіць нарада прадстаўнікоў органаў выканаўчай улады дзяржаў-удзельніц СНД па пытаннях супрацоўніцтва ў касмічнай сферы. У мерапрыемстве прымаюць удзел: прадстаўнікі Выканаўчага камітэта СНД, прадстаўнічыя дэлегацыі Расіі, Беларусі, Арменіі, Казахстана, Кіргізіі, Украіны і Азербайджана. З прывітальным словам да ўдзельнікаў нарады звярнуўся намеснік Кіраўніка Адміністрацыі Прэзідэнта Рэспублікі Беларусь Ігар Бузоўскі, Старшыня Прэзідыума НАН Беларусі Уладзімір Гусакоў, кіраўнікі дэлегацый.

Асноўныя пытанні нарады: стварэнне дагаворна-прававой базы шматбаковага супрацоўніцтва ў касмічнай сферы, інтэграцыя наземных інфраструктур краін СНД, якія выкарыстоўваюць сігналы сістэмы ГЛОНАСС, стварэнне міждзяржаўнай сістэмы касмічнага маніторынгу надзвычайных сітуацый і развіццё міжгаліновай і вытворчай кааперацыі ў галіне космасу. Як падкрэсліў кіраўнік Раскосмасу Ігар Камароў, у ліку запланаваных да абмеркавання пытанняў - развіццё групоўкі спадарожнікаў, дыстанцыйнае зандзіраванне Зямлі, узаемадзеянне прамысловых прадпрыемстваў. Наступная нарада прадстаўнікоў органаў выканаўчай улады дзяржаў - удзельніц СНД па супрацоўніцтве ў касмічнай сферы пройдзе ў 2016 годзе ў Казахстане.