3 лістапада 2015 г. у 10.00 (пр. Незалежнасці, 66, п. 216 малая канферэнц-зала) адбудзецца адкрыццё Міжнароднай навукова-практычнай канферэнцыі “Традыцыйныя каштоўнасці грамадства - аснова захавання міжнацыянальнай згоды і талерантнасці”. Арганізатарамі Міжнароднай навукова-практычнай канферэнцыі з'яўляюцца Пасольства Рэспублікі Казахстан у Рэспубліцы Беларусь, Аддзяленне гуманітарных навук і мастацтваў Нацыянальнай акадэміі навук Беларусі, Інстытут сацыялогіі НАН Беларусі. У працы Міжнароднай навукова-практычнай канферэнцыі прымуць удзел Надзвычайны і Паўнамоцны Пасол Рэспублікі Казахстан у Рэспубліцы Беларусь Булегенаў Ергалі Булегенавіч, Старшыня Прэзідыума Нацыянальнай акадэміі навук Беларусі, акадэмік У.Р. Гусакоў, намеснік Старшыні Палаты прадстаўнікоў Нацыянальнага сходу Рэспублікі Беларусь В.А. Гумінскі, акадэмік-сакратар Аддзялення гуманітарных навук і мастацтваў НАН Беларусі, член-карэспандэнт А.А. Каваленя, вядучыя вучоныя НАН Беларусі, а таксама прадстаўнікі замежных дыпламатычных місій.

На Міжнароднай навукова-практычнай канферэнцыі асаблівая ўвага будзе нададзена наступным тэмам: палітыка талерантнасці і стрымліванне экстрэмізму; міжканфесійны мір як аснова талерантнасці грамадства; палітыка інтэграцыі мігрантаў у грамадства, якое прымае; базавыя і традыцыйныя каштоўнасці сучаснага грамадства як важнейшы фактар міжнацыянальнай згоды і талерантнасці; сацыяльна-тэрытарыяльныя асаблівасці каштоўнаснай структуры насельніцтва Беларусі; трансфармацыя сямейных каштоўнасцей у сучасным грамадстве; каштоўнасці ў сферы працы.

З праграмай канферэнцыі можна азнаёміцца на сайце Інстытута сацыялогіі НАН Беларусі http://socio.bas-net.by