3-6 мая 2016 года ў Мінску праходзіць Беларускі прамысловы форум. У форуме прымаюць удзел вядучыя прадстаўнікі ўсіх сектараў айчыннай і замежнай прамысловасці, сярод якіх цэлы шэраг арганізацый НАН Беларусі. Беларускі прамысловы форум з’яўляецца маштабным міжнародным выставачным праектам, які спрыяе павышэнню інавацыйнай актыўнасці арганізацый усіх формаў уласнасці, узмацненню сувязі навукі і вытворчасці, камерцыялізацыі вынікаў. Арганізацыі НАН Беларусі выступілі ў якасці суарганізатараў некалькіх навукова-практычных мерапрыемстваў форуму: секцыйнага пасяджэння “Зварка і роднасныя тэхналогіі”; 13-га міжнароднага конкурсу энергаэфектыўных і рэсурсазберагальных тэхналогій і абсталявання і інш.

Сярод прадстаўленых на форуме распрацовак НПЦ НАН Беларусі па матэрыялазнаўстве экспануе новы кампазіцыйны магнітны матэрыял і вырабы на яго аснове, які дазваляе замяніць ламініраваную электрамагнітную сталь для высокачастотных ужыванняў у такіх вырабах як трансфарматары, дроселі, сучасныя вентыльныя высокаабаротныя электрарухавікі і генератары. Інстытут прыкладной фізікі НАН Беларусі прадстаўляе прыборы для вызначэння фізіка-механічных уласцівасцей будаўнічых матэрыялаў вытворчасці, прызначаныя для неразбуральнага вызначэння трываласці і цвёрдасці асфальтабетонаў, бетонаў і інш. будматэрыялаў.

Форум завершыць сваю працу 6 мая.

Фота М. Гулякевіч, газета "Навука"

---