Нацыянальная акадэмія навук Беларусі

27.06.2016

У НАН Беларусі прайшла сустрэча з дэлегацыяй г. Гуанчжоу (КНР)

24 чэрвеня 2016 года ў НАН Беларусі прайшла сустрэча з дэлегацыяй горада Гуанчжоу (КНР) на чале з кіраўніком Адміністрацыі Народнага Урада г. Гуанчжоу Чжао Нансіанем. Таксама ў дэлегацыю ўвайшлі прадстаўнікі ўрадавых і навуковых цэнтраў па шырокім коле напрамкаў. З боку НАН Беларусі перагаворы ўзначаліў намеснік Старшыні Прэзідыума НАН Беларусі А.В. Сукала. Гасцей азнаёмілі з навукова-вытворчай дзейнасцю арганізацый НАН Беларусі па фізіка-тэхнічным профілі. Бакі дамовіліся выйсці да канца 2016 года на сумесныя перагаворы па канкрэтных навуковых і вытворчых праектах з абмеркаваннем магчымасцей іх фінансавання і ажыццяўлення.

Таксама ў рамках візіту адбылося падпісанне Пагаднення аб супрацоўніцтве паміж Рэспубліканскім цэнтрам трансферу тэхналогій і Упраўленнем па справах замежных спецыялістаў г. Гуанчжоу, накіраванае на паглыбленне супрацоўніцтва г. Гуанчжоу з Рэспублікай Беларусь у сферы трансферу і камерцыялізацыі тэхналогій.