5 ліпеня 2016 года ў актавай зале Інстытута падрыхтоўкі навуковых кадраў НАН Беларусі былі ўрачыста ўручаны дыпломы магістра выпускнікам магістратуры ІПНК НАН Беларусі 2016 года. Уручэнне дыпломаў узначаліў Старшыня Прэзідыума НАН Беларусі акадэмік Уладзімір Рыгоравіч Гусакоў, які пажадаў выпускнікам працягнуць свой навуковы шлях у сценах арганізацый НАН Беларусі і адзначыў, што тут іх чакаюць для паступлення ў аспірантуру, бо перад маладымі людзьмі ў навуцы сёння адкрыты ўсе дзверы.

У гэтым годзе магістратуру ІПНК НАН Беларусі паспяхова скончылі 71 чалавек па 8 спецыяльнасцях: біялогія, мастацтвазнаўства, машынабудаванне і машыназнаўства, прыкладная матэматыка і інфарматыка, сацыялогія, фізіка, хімія, эканоміка і кіраванне народнай гаспадаркай.

У Інстытуце падрыхтоўкі навуковых кадраў традыцыйна рэалізоўваецца прынцып “Адукацыя - праз навуку”. З гэтай мэтай пастаянна вядзецца актыўная работа па прыцягненні студэнтаў магістратуры да навуковых даследаванняў і практычнага іх ужывання. Выпускнікі магістратуры ІПНК НАН Беларусі паспяхова працуюць у навукова-даследчых інстытутах Нацыянальнай акадэміі навук Беларусі, у рэспубліканскіх міністэрствах і ведамствах, на прамысловых прадпрыемствах і іншых арганізацыях.

У 2016 годзе праходзіць набор на 10 спецыяльнасцей. Больш падрабязна даведацца пра паступленне і навучанне ў магістратуры можна на спецыяльнай старонцы сайта ІПНК НАН Беларусі.