29 сакавіка 2017 года ў 12.30 у Нацыянальным Прэс-цэнтры Рэспублікі Беларусь адбудзецца прэзентацыя калектыўнай манаграфіі Інстытута сацыялогіі НАН Беларусі “Паводніцкія стратэгіі спажыўцоў культурнай прадукцыі: каштоўнасці, інтарэсы, тыпалогія”. Манаграфія падрыхтавана ў рамках выканання навукова-даследчай работы “Вывучыць дынаміку культурных арыентацый і стратэгій сацыякультурных паводзін тэрытарыяльных і сацыяльна-дэмаграфічных груп насельніцтва Рэспублікі Беларусь па розных напрамках культуры” па заказе і пры фінансавай падтрымцы Міністэрства культуры Рэспублікі Беларусь. Навукова-даследчыя вынікі атрыманы ў рамках мерапрыемстваў, якія праводзяцца пад эгідай Года навукі ў Рэспубліцы Беларусь і адпавядаюць асноўным напрамкам і прыярытэтам развіцця беларускай навукі ў 2017 годзе.

Інстытут сацыялогіі НАН Беларусі працуе над арыгінальным праектам “Цывілізацыйны код беларускага грамадства: сацыялагічнае вымярэнне”. У яго рамках у 2016 годзе праведзены тры вялікія рэпрэзентатыўныя даследаванні, якія дапамаглі выявіць спецыфіку і фактары ўзаемаўплыву сацыякультурных фактараў і эканамічных працэсаў. Супрацоўнікі інстытута паспрабавалі вывучыць уплыў суб’ектыўных фактараў і аб’ектыўных прычын на цывілізацыйнае развіццё беларускай дзяржавы. Адным з найважнейшых элементаў цывілізацыйнага кода грамадства з’яўляецца культура як аснова яго развіцця.

У прэзентацыі прымуць удзел:

Дырэктар Інстытута сацыялогіі НАН Беларусі, доктар сацыялагічных навук, прафесар, заслужаны дзеяч навукі Рэспублікі Беларусь Катляроў Ігар Васільевіч

Нам. дырэктара па навуковай рабоце Інстытута сацыялогіі НАН Беларусі, кандыдат сацыялагічных навук, дацэнт Лашук Ірына Валер’еўна

Загадчыца аддзелам сацыялогіі культуры Інстытута сацыялогіі НАН Беларусі, кандыдат сацыялагічных навук Ліхачова Вольга Мікалаеўна

Намеснік Міністра культуры Рэспублікі Беларусь Чэрнік Васілій Мечаслававіч

Начальнік аддзела ўстаноў адукацыі і працы з творчай моладдзю Міністэрства культуры Рэспублікі Беларусь Гуляева Алена Рыгораўна