17 мая 2017 года Рэспубліканскае грамадскае аб’яднанне “Белая Русь” сумесна з Нацыянальнай акадэміяй навук Беларусі праводзіць навукова-практычны семінар “Філасофскія і грамадска-палітычныя асновы дзейнасці грамадскіх аб’яднанняў у Рэспубліцы Беларусь”. Мэта работы семінара - азнаёміць і абмеркаваць некаторыя фундаментальныя прынцыпы дзейнасці грамадскіх аб’яднанняў на сучасным этапе дзяржаўнага і сацыяльна-культурнага будаўніцтва Рэспублікі Беларусь у кантэксце гісторыі, традыцый, напрамкаў эвалюцыі, светапоглядных і каштоўнасных асноў функцыянавання партыйна-палітычнай сістэмы, глабальных трэндаў і спецыфікі айчыннай дзяржаўна-прававой мадэлі, задач стымулявання грамадзянскай ініцыятывы ў інтарэсах кансалідацыі і ўстойлівага развіцця беларускага грамадства.

Перад пачаткам працы семінара Старшыня Прэзідыума НАН Беларусі Уладзімір Гусакоў адзначыў, што Нацыянальная акадэмія навук Беларусі ўзаемадзейнічае з РГА “Белая Русь” па самым шырокім коле праблем. Быў праведзены шэраг семінараў па развіцці навукі, выхаванні моладзі і іншых праблемах. Таксама Уладзімір Гусакоў падкрэсліў важнасць пашырэння дыялогу паміж навуковай грамадскасцю і грамадзянскай супольнасцю, па пытаннях павышэння эфектыўнасці эканамічнай і адукацыйнай дзейнасці. Паспрыяць такому абмеркаванню закліканы навукова-практычны семінар, які праходзіць 17 мая 2017 г. у НАН Беларусі.