16 мая 2017 года НАН Беларусі і Нацыянальны Прэс-цэнтр Рэспублікі Беларусь правялі выязное прэс-мерапрыемства на тэму “Дзейнасць Цэнтральнага батанічнага сада НАН Беларусі”. Мерапрыемства прайшло ў рамках цыкла прэс-мерапрыемстваў, прымеркаваных да Года навукі. Мэта сустрэчы - інфармаванне аб эфектыўнасці інавацыйнай дзейнасці Цэнтральнага батанічнага сада НАН Беларусі, які з’яўляецца самым буйным у краіне цэнтрам па захаванні біяразнастайнасці жывых раслін, вядучай навуковай установай у галіне інтрадукцыі, акліматызацыі, фізіялогіі, малекулярнай біялогіі, біятэхналогіі, біяхіміі і экалогіі раслін.

Перад прадстаўнікамі рэспубліканскіх і Саюзных СМІ з дакладамі выступілі дырэктар ЦБС НАН Беларусі Уладзімір Ціток, акадэмік Уладзімір Рашэтнікаў, навуковыя супрацоўнікі ЦБС НАН Беларусі. Была прадстаўлена інфармацыя аб апошніх дасягненнях вучоных, пра перспектывы развіцця навуковай установы, аб маючых адбыцца мерапрыемствах, якія праводзяцца на базе ЦБС НАН Беларусі. Як было падкрэслена, даследаванні і практычная праца ў галіне інтрадукцыі раслін забяспечыла стварэнне генафонду дэкаратыўных і гаспадарча-карысных інтрадуцыраваных раслін з больш за 12 тысяч найменняў, які складае нацыянальны набытак Рэспублікі Беларусь. Журналісты наведалі плантацыі квітнеючых раслін Цэнтральнага батанічнага сада, структурныя падраздзяленні навуковай арганізацыі.