6 чэрвеня 2017 года ў НАН Беларусі адбыліся перамовы Старшыні Прэзідыума НАН Беларусі Уладзіміра Гусакова з прэзідэнтам Акадэміі навук Малдовы Георгіем Дукай. З малдаўскага боку ў перамовах удзельнічалі віцэ-міністр сельскай гаспадаркі і харчовай прамысловасці Малдовы Юрые Ушурэлу і дырэктар Інстытута раслінаводства “Порумбень” Пінціліе Пырван.

У цэнтры ўвагі былі пытанні пашырэння навуковага супрацоўніцтва Беларусі і Малдовы. Як падкрэсліў на сустрэчы Старшыня Прэзідыума НАН Беларусі Уладзімір Гусакоў: “Мы б хацелі ўсталяваць больш цесныя сувязі з навуковымі арганізацыямі Малдовы і працаваць па самым шырокім спектры напрамкаў”. У сваю чаргу прэзідэнт Акадэміі навук Малдовы Георгій Дука адзначыў, што Акадэміі навук Беларусі і Малдовы павінны перагледзець Дагавор аб супрацоўніцтве 2003 года з улікам сучасных рэалій і патрабаванняў. У мэтах пашырэння беларуска-малдаўскага супрацоўніцтва будзе складзены пералік перспектыўных напрамкаў, якія ўяўляюць узаемную цікавасць.

Прэзідэнт Акадэміі навук Малдовы Георгій Дука ўзнагародзіў Старшыню Прэзідыума НАН Беларусі Уладзіміра Гусакова Сярэбраным медалём Акадэміі навук Малдовы.