У Год навукі на “БЕЛАГРА-2017” акадэмічныя вучоныя-аграрыі арганізуюць цэлы шэраг навуковых форумаў. Навукова-практычны цэнтр НАН Беларусі па харчаванні запрашае прыняць удзел у Першым Кангрэсе “Навука, харчаванне і здароўе”, сімпозіуме “Узбагачэнне харчовых прадуктаў мікранутрыентамі, семінарах “Сучасныя падыходы ў галіне экспертызы якасці і бяспекі харчовай сыравіны і харчовых прадуктаў” і “Харчаванне дзяцей, цяжарных жанчын і кормячых маці”, круглым стале “Праблемныя пытанні па дзіцячым харчаванні”. Вялікі блок мерапрыемстваў падрыхтавалі спецыялісты Навукова-практычнага цэнтра НАН Беларусі па механізацыі сельскай гаспадаркі. Так, пройдуць семінары на тэмы “Комплекс машын для забеспячэння інавацыйных тэхналогій апрацоўкі глебы, унясення ўгнаенняў, уборкі і пасляўборачнай дапрацоўкі раслінаводчай прадукцыі”, “Тэхналогіі і абсталяванне для выкарыстання аднаўляльных крыніц энергіі і мясцовых відаў паліва ў сельскай гаспадарцы Рэспублікі Беларусь”. Навукова-практычны цэнтр НАН Беларусі па жывёлагадоўлі чакае спецыялістаў на семінары “Тэхнічнае забеспячэнне нарыхтоўкі, падрыхтоўкі і раздачы кармоў у жывёлагадоўчай галіне. Навукова-тэхнічная вытворчасць свінагадоўчай прадукцыі”. Пройдзе таксама семінар па дакладным земляробстве.
27-я Міжнародная спецыялізаваная выстава “БЕЛАГРА-2017” пройдзе 6-10 чэрвеня 2017 года. Удзел у ёй прымуць больш за 500 кампаній з Беларусі, Аўстрыі, Балгарыі, Велікабрытаніі, Венгрыі, Германіі, Італіі, Кітая, Латвіі, Літвы, Малдовы, Галандыі, Польшчы, Расіі, Славеніі, ЗША, Турцыі, Украіны, Францыі, Чэхіі, Швейцарыі, Эстоніі, Ірана, Пакістана, ААЭ і іншых краін.