Супрацоўнікамі ДНВА “НПЦ НАН Беларусі па біярэсурсах” распрацаваны інфармацыйны рэсурс “Дзяржаўны кадастр жывёльнага свету”. Дадзены інфармацыйны рэсурс з’яўляецца сістэматызаваным зборам інфармацыі аб геаграфічным распаўсюджванні відаў дзікіх жывёл, якія адносяцца да аб’ектаў рыбалоўства, палявання і закупкі і/або нарыхтоўкі. Змяшчае інфармацыю аб колькаснай і якаснай характарыстыках дадзеных аб’ектаў жывёльнага свету, выкарыстанні іх рэсурсаў, а таксама іншыя звесткі, неабходныя для забеспячэння іх устойлівага выкарыстання.

Кадастр вядзецца шляхам унясення ў электронную базу даных інфармацыі арганізацыямі, якія вядуць сваю гаспадарчую дзейнасць у галіне рыбнай і паляўнічай гаспадаркі, а таксама ажыццяўляюць дзейнасць у галіне закупкі і / або нарыхтоўкі дзікіх жывёл. Зараз у базе даных зарэгістравана больш за 200 профільных арганізацый. Наведвальнасць інфармацыйнага рэсурсу за няпоўныя тры месяцы пасля яго адкрыцця склала больш за 57 000 праглядаў.

Інфармацыйны рэсурс “Дзяржаўны кадастр жывёльнага свету” распрацаваны ў рамках рэалізацыі праекта “Распрацоўка электронных баз даных кадастраў жывёльнага і расліннага свету з вэб-інтэрфейсам”, які рэалізуецца пры падтрымцы ПРААН і фінансуецца Глабальным экалагічным фондам.

Нацыянальным выконваючым агенцтвам праекта з’яўляецца Міністэрства прыродных рэсурсаў і аховы навакольнага асяроддзя Рэспублікі Беларусь.