Кіраўнікі Інстытута падрыхтоўкі навуковых кадраў НАН Беларусі і Інстытута падрыхтоўкі вышэйшых кадраў Кітайскай акадэміі грамадскіх навук падпісалі пагадненне аб супрацоўніцтве. У рамках сустрэчы намеснік Старшыні Прэзідыума НАН Беларусі Аляксандр Сукала расказаў кітайскім партнёрам аб навуковым патэнцыяле акадэмічных арганізацый.

Рэктар ІПНК Ігар Ганчаронак адзначыў, што бакі правялі шэраг сустрэч і перагавораў, у рамках якіх абмеркавалі магчымыя шляхі распрацоўкі праграм падрыхтоўкі навуковых спецыялістаў для Беларусі і Кітая.

Прэзідэнт ІПВК Хуан Сяоюн выказаў надзею на працяг супрацоўніцтва і запрасіў беларускіх спецыялістаў паўдзельнічаць у працы школы для маладых вучоных у Кітаі. Таксама кіраўніцтва ІПВК выказала зацікаўленасць у пашырэнні супрацоўніцтва ў галіне энергетыкі, у прыватнасці, з Інстытутам энергетыкі НАН Беларусі. Дадзены кірунак супрацоўніцтва можа мець на ўвазе лекцыі для спецыялістаў дзвюх краін, сумесныя праекты ў рамках фондаў фундаментальных даследаванняў і інш.