3 кастрычніка 2017 года ў Нацыянальным прэс-цэнтры Рэспублікі Беларусь адбылася прэс-канферэнцыя “Аб правядзенні ў г. Мінску V Міжнароднага воднага форуму “Водныя сцёкі і клімат”. У мерапрыемстве прыняў удзел вучоны сакратар Цэнтра сістэмнага аналізу і стратэгічных даследаванняў НАН Беларусі Алег Аляксеевіч Белы. Ён асвятліў праблему забруджвальных сцёкаў жывёлагадоўчай галіны. Па звестках спецыяліста, у краіне далёка не ў поўнай меры выкарыстоўваецца патэнцыял біягазавых тэхналогій, а нормы расходвання вады павінны быць абмежаваны заканадаўча. Тэме развіцця гідраэнергетыкі і выкарыстання геатэрмальных вод на форуме будзе прысвечана асобная секцыя.

Мэтай воднага форуму, які пройдзе 5 – 6 кастрычніка 2017 года ў Беларускім дзяржаўным тэхналагічным універсітэце стане выпрацоўка аптымальных рашэнняў па павышэнні эфектыўнасці выкарыстання водных рэсурсаў для патрэб эканомікі і іх аховы ад вычарпання і забруджвання ва ўмовах змяняльнага клімату.