Нацыянальная акадэмія навук Беларусі

13.11.2017

Адбылося спецыяльнае гашэнне маркі “2017 - Год навукі ў Беларусі”

Міністэрства сувязі і інфарматызацыі Беларусі выпусціла ў абарачэнне паштовую марку “2017 - Год навукі ў Беларусі”. 13 лістапада ў урачыстым гашэнні ўдзел прынялі Старшыня ДКНТ Аляксандр Шумілін, першы намеснік Старшыні Прэзідыума НАН Беларусі Сяргей Чыжык, намеснік Міністра сувязі і інфарматызацыі Ганна Рабава.

Тыраж маркі - 54 тыс., яна друкавалася ў РУП “Выдавецтва “Беларускі Дом друку”. Намінал маркі “А” адпавядае тарыфу на перасылку простага пісьма масай да 20 грамаў уключна ў межах Беларусі.

У аснове канверта “Першы дзень” - лагатып Года навукі ў Беларусі. Праект падрыхтаваны ў супрацоўніцтве з Дзяржаўным камітэтам па навуцы і тэхналогіях. У дзень выпуску паштовай маркі ў абарачэнне ў аддзяленні паштовай сувязі №1 Мінска (магазін “Філатэлія”, вул. Маскоўская, 16) праводзілася спецыяльнае гашэнне на канверце “Першы дзень”.