12 снежня 2017 года, у першы дзень работы з’езда, дэлегаты і запрошаныя будуць працаваць па 9 секцыях, прысвечаных асноўным напрамкам развіцця навукі і міжнароднаму супрацоўніцтву. Прадугледжана таксама арганізацыя маладзёжнай секцыі. Праца секцый будзе праходзіць у арганізацыях НАН Беларусі, а таксама ў арганізацыях іншых міністэрстваў і ведамстваў. На кожнай з дзевяці секцый 12 снежня будзе арганізавана тэматычная выстава новых інавацыйных і навуковых распрацовак. Пленарнае пасяджэнне адбудзецца 13 снежня 2017 года ў Палацы Рэспублікі. Ключавым дакументам, які будзе вынесены на II З’езд вучоных Беларусі, стане Праект Стратэгіі “Навука і тэхналогіі: 2018-2040”.

Праграма:

11 снежня 2017 г. 14.30-18.00 (будынак Прэзідыума НАН Беларусі, пр. Незалежнасці, 66) - рэгістрацыя дэлегатаў і запрошаных з’езда г. Мінска;

12 снежня 2017 года 08.00-11.00 (будынак Прэзідыума НАН Беларусі) - рэгістрацыя абласных дэлегацый.

12 снежня 2017 года 12.00-14.00, 15.00-18.00 - удзел дэлегатаў і запрошаных з’езда ў секцыйных пасяджэннях.

Будуць працаваць секцыі:

“Фізіка і інфарматыка ў тэхналогіях будучыні” (месца правядзення - ДНУ “Інстытут фізікі імя Б.І. Сцяпанава НАН Беларусі”, канферэнц-зала, 3-і паверх);

“Тэхнічныя навукі–Індустрыя 4.0” (месца правядзення - Беларускі нацыянальны тэхнічны ўніверсітэт, канферэнц-зала);

“Сучасная хімія і рацыянальнае прыродакарыстанне” (месца правядзення - Беларускі дзяржаўны ўніверсітэт, будынак рэктарата);

“Сучасныя біятэхналогіі” (месца правядзення дзяржаўная навуковая ўстанова “Інстытут эксперыментальнай батанікі імя В.Ф.Купрэвіча НАН Беларусі”, вул. Акадэмічная, 27);

“Медыцынскія і фармацэўтычныя навукі” (месца правядзення - ДНУ “Беларуская медыцынская акадэмія паслядыпломнай адукацыі”, вул. П.Броўкі, 3, корп.3);

“Айчынная гуманітарыстыка – грамадству” (месца правядзення - будынак Прэзідыума НАН Беларусі, вялікая канферэнц-зала);

“Інавацыйны аграпрамысловы комплекс” (месца правядзення - РУП “Навукова-практычны цэнтр Нацыянальнай акадэміі навук Беларусі па механізацыі сельскай гаспадаркі”, вул. Кнорына, 1);

“Моладзь і новыя гарызонты навукі” (месца правядзення - УА “Ліцэй Беларускага дзяржаўнага ўніверсітэта”, вул. Ульянаўская, 8);

“Міжнароднае навуковае ўзаемадзеянне на сучасным этапе” (месца правядзення - Прэзідыум НАН Беларусі, аўд. 216). У рамках работы секцыі адбудзецца пасяджэнне Савета Міжнароднай Асацыяцыі акадэмій навук (МААН) і пасяджэнне Кансультатыўнага савета па пытаннях аховы інтэлектуальнай уласнасці і перадачы тэхналогій пры МААН.

Паважаныя калегі! НАН Беларусі працягвае акрэдытацыю журналістаў на ПЕРШЫ ДЗЕНЬ работы з’езда па e-mail: press@presidium.bas-net.by. Просьба пазначыць Прозвішча, імя, выданне, пасаду, кантактны тэлефон.

Тэрмін - да 8 снежня 2017 года.