20 - 21 сакавіка 2018 г. у горадзе Шклове Магілёўскай вобласці праходзіць Міжнародная навукова-практычная канферэнцыя “Шклоў і яго наваколлі ў гісторыі Беларусі”. У рабоце канферэнцыі прымаюць удзел навукоўцы з Інстытута гісторыі Нацыянальнай акадэміі навук Беларусі, Брэсцкага і Магілёўскага дзяржаўных універсітэтаў, іншых навуковых і даследчых устаноў Беларусі, а таксама вучоныя з Расіі і Польшчы.

Даклады канферэнцыі прысвечаны археалагічнаму вывучэнню Шклоўшчыны і асобных аб’ектаў на тэрыторыі рэгіёна, гістарычнага мінулага Шклова ў новы і найноўшы час, архітэктурнай спадчыне горада і інш.

Канферэнцыя накіравана на больш глыбокае вывучэнне гісторыі Беларусі на прыкладзе Шклоўскага краю. Асноўная ўвага даследчыкаў накіравана на раскрыццё новых, невядомых старонак гісторыі Шклова і яго наваколляў.