19-20 красавіка 2018 РНДУП “Інстытут радыялогіі” НАН Беларусі (г. Гомель, вул. Федзюнінскага, 16) праводзіць міжнародную навукова-практычную канферэнцыю “Чарнобыль і навука: вопыт пераадолення наступстваў”. У Гомель прыедуць спецыялісты, якія займаюцца навуковым рашэннем праблем радыеэкалогіі, радыебіялогіі, аграэкалогіі, радыехіміі, папярэджання і ліквідацыі надзвычайных сітуацый тэхнагеннага характару, псіхалогіі і сацыялогіі з Беларусі, Расіі, Украіны, Францыі.

На форуме плануецца абмеркаваць вынікі навуковых даследаванняў па актуальных праблемах мінімізацыі наступстваў чарнобыльскай катастрофы, рэабілітацыі забруджаных тэрыторый, абароны насельніцтва і тэрыторый ад надзвычайных сітуацый тэхнагеннага характару. Тэматычныя напрамкі работы канферэнцыі: радыеэкалагічныя і радыебіялагічныя аспекты чарнобыльскай катастрофы: вопыт пераадолення наступстваў; забеспячэнне бяспекі для навакольнага асяроддзя і чалавека пры будаўніцтве і эксплуатацыі атамных электрастанцый. Праблемы папярэджання і ліквідацыі надзвычайных сітуацый у зонах радыеактыўнага забруджвання; сацыяльна-псіхалагічныя наступствы і інфармацыйнае забеспячэнне катастрофы на Чарнобыльскай АЭС і іншых радыяцыйных аварый.

Адкрыццё канферэнцыі - 19 красавіка 2018 года ў 10.00