Нацыянальная акадэмія навук Беларусі і Фонд падтрымкі адукацыі і навукі (Алфёраўскі фонд) аб’яўляюць аб правядзенні конкурсу 2018 года на саісканне прэмій НАН Беларусі і Алфёраўскага фонду для маладых вучоных (да 35 гадоў па стане на 1 студзеня конкурснага года) за лепшую навукова- даследчую работу (асобную навуковую работу або сукупнасць аб’яднаных адзінай тэматыкай работ) у наступных галінах (намінацыях):

фізіка, матэматыка, інфарматыка, фізіка-тэхнічныя і тэхнічныя навукі;

біялогія, хімія, медыцына, аграрныя навукі і навукі аб Зямлі;

гуманітарныя і сацыяльныя навукі.

Права вылучэння кандыдатур на саісканне прэмій прадастаўляецца:

Прэзідэнту Алфёраўскага фонду;

Старшыні Прэзідыума НАН Беларусі;

правадзейным членам (акадэмікам), членам-карэспандэнтам і замежным членам НАН Беларусі;

кіраўнікам арганізацый НАН Беларусі, якія ажыццяўляюць навуковыя даследаванні, тэматыка якіх адпавядае галіне навуковых даследаванняў (намінацыі);

старшыні Навуковага савета Беларускага рэспубліканскага фонду фундаментальных даследаванняў.

Палажэнне аб прэміі і форма заяўкі на саісканне прэмій прадстаўлены тут.

Дакументы на конкурс высылаюцца не пазней за 31 кастрычніка 2018 г. з пазнакай “На саісканне Алфёраўскай прэміі для маладых вучоных 2018 года ў галіне ________________________” па адрасе: 220072, г. Мінск, пр. Незалежнасці, 66, каб. 317, упраўленне прэмій, стыпендый і ўзнагарод Галоўнага ўпраўлення кадраў і кадравай палітыкі апарату НАН Беларусі. Кантактныя тэлефоны: +375 (17) 284 24 56, +375 (17) 284 28 26.