Нацыянальная акадэмія навук Беларусі

02.11.2018

У Інстытуце філасофіі НАН Беларусі прайшла сустрэча з іранскімі вучонымі

2 лістапада 2018 года ў Інстытуце філасофіі НАН Беларусі прайшла сустрэча з іранскімі вучонымі: доктарам Муставой Хасейні, рэктарам універсітэта Эсра Тэхран і доктарам Мехдзі Мусаві, выкладчыкам дзяржаўнага ўніверсітэта Тэграі і Шахід Бехешці. Госці прадставілі даклады на тэму “Філасофія Ірана”, расказалі беларускім калегам пра сістэму філасофскай адукацыі ў сваёй краіне, а таксама адказалі на пытанні слухачоў.

Дырэкцыя Інстытута філасофіі правяла перагаворы з іранскімі калегамі аб далейшым супрацоўніцтве і выкананні сумесных навукова-даследчых праектаў.

Інстытут філасофіі НАН Беларусі актыўна супрацоўнічае з вучонымі з Ірана. Пры падтрымцы Пасольства Ісламскай Рэспублікі Іран у Рэспубліцы Беларусь інстытут паспяхова правёў 2 чэрвеня 2015 года міжнародны круглы стол “Аятала Хамейні і дыялог цывілізацый Захаду і Усходу”, 18 снежня 2013 года – буйную міжнародную навуковую канферэнцыю “Авіцэна: мысліцель, навуковец, гуманіст”, па выніках якой быў выдадзены зборнік дакладаў і тэзісаў канферэнцыі.