Выйшаў з друку зборнік навуковых прац магістрантаў і аспірантаў “Магістарскі веснік”, падрыхтаваны дзяржаўнай установай адукацыі “Інстытут падрыхтоўкі навуковых кадраў Нацыянальнай акадэміі навук Беларусі”. Упершыню зборнік складаецца з трох частак: 1. Гуманітарныя навукі, 2. Прыродазнаўчыя і тэхнічныя навукі, 3. Сацыяльныя навукі.

Зборнік з’яўляецца першым штогадовым выданнем прац магістрантаў і аспірантаў Рэспублікі Беларусь і замежных краін, якія адлюстроўваюць вынікі выкананых імі навуковых даследаванняў у розных галінах навукі. Уключае ў сябе 78 артыкулаў магістрантаў і аспірантаў навуковых устаноў Нацыянальнай акадэміі навук Беларусі і ўстаноў вышэйшай адукацыі Рэспублікі Беларусь.