Нацыянальная акадэмія навук Беларусі

11.02.2019

У Інстытуце мовазнаўства імя Якуба Коласа абмяркуюць праблемы беларускай медыцынскай тэрміналогіі

20 лютага 2019 года рэспубліканская тэрміналагічная камісія пры Нацыянальнай акадэміі навук Беларусі правядзе ў Інстытуце мовазнаўства імя Якуба Коласа круглы стол “Беларуска-рускае дзяржаўнае двухмоўе: праблемы ўпарадкавання і функцыянавання беларускай медыцынскай тэрміналогіі”, прысвечаны Міжнароднаму дню роднай мовы. Падчас круглага стала будуць абмяркоўвацца актуальныя пытанні беларускай медыцынскай тэрміналогіі і прынцыпы фіксацыі адпаведнай спецыяльнай лексікі ў слоўніках медыцынскіх тэрмінаў.

Да ўдзелу ў абмеркаванні праблемы запрашаюцца ўсе зацікаўленыя ў паўнацэнным функцыянаванні дзяржаўнай беларускай мовы ў розных сферах грамадскага жыцця. Арганізатары мерапрыемства запрашаюць адпраўляць свае думкі, прапановы па праблеме па пошце ці ў электронным выглядзе.

Кантактная інфармацыя: 220072, вул. Сурганава 1, корп. 2, Інстытут мовазнаўства імя Якуба Коласа.
Тэл. +375 17 284-02 -76, +375 17 284-15-94. Факс +375 17 284-18-85
Электронная пошта: 2840276@mail.ru, inlinasbel@tut.by

Месца правядзення: вул. Сурганава 1, корп. 2, Інстытут мовазнаўства імя Якуба Коласа. Пачатак а 10 гадзіне, каб. 1110.