14 лютага 2019 г. (чацвер) у 15.00 у будынку Прэзідыума Нацыянальнай акадэміі навук Беларусі (пр-т Незалежнасці, 66, каб.216) адбудзецца пасяджэнне Міжведамаснага каардынацыйнага савета па праблемах харчавання пры Нацыянальнай акадэміі навук Беларусі. У мерапрыемстве прымуць удзел члены савета, кіраўніцтва НАН Беларусі, вядомыя навукоўцы, прадстаўнікі Дзяржстандарту, Міністэрства аховы здароўя, канцэрна “Белдзяржхарчпрам”, Мінадукацыі, Мінсельгасхарча, вышэйшых навучальных устаноў краіны.

На пасяджэнні будзе разгледжана пытанне: “Функцыянальныя прадукты харчавання: навуковыя асновы распрацоўкі, вытворчасці і спажывання”. З асноўным дакладам выступіць намеснік генеральнага дырэктара па стандартызацыі і якасці прадуктаў харчавання РУП “Навукова-практычны цэнтр Нацыянальнай акадэміі навук Беларусі па харчаванні”, кандыдат тэхнічных навук, дацэнт Маргунова Алена Міхайлаўна. Судакладчык: дырэктар РУП “Інстытут мяса-малочнай прамысловасці”, кандыдат эканамічных навук, дацэнт Меляшчэня Аляксей Віктаравіч і дырэктар ГП “Белтэхнахлеб” Каласоўская Ларыса Станіславаўна.