Нацыянальная акадэмія навук Беларусі

05.05.2019

Кіраўніцтва НАН Беларусі запрашае да абмеркавання пытанняў стварэння камфортнага асяроддзя для навуковай дзейнасці і росту маладых вучоных

Важнай задачай развіцця Нацыянальнай акадэміі навук Беларусі з’яўляецца падтрымка маладых вучоных. Дзейнасць у дадзенай галіне ўяўляе сабой інвестыцыі ў будучыню Акадэміі. У сувязі з гэтым актуальным з’яўляецца стварэнне камфортнага асяроддзя для навуковай дзейнасці і росту маладых вучоных.

Савет маладых вучоных сумесна з кіраўніцтвам Нацыянальнай акадэміі навук Беларусі арганізуюць круглы стол “Маладыя вучоныя ў акадэмічным асяроддзі”.

У рамках дадзенага мерапрыемства плануецца:
– прэзентацыя і абмеркаванне вынікаў сацыялагічных даследаванняў, прысвечаных умовам і фактарам навуковай дзейнасці маладых вучоных НАН Беларусі;
– сустрэча маладых з членамі Бюро Прэзідыума, прадстаўнікамі профільных аддзелаў НАН Беларусі для абмеркавання і вызначэння шляхоў вырашэння навуковых, жыллёва-бытавых, сацыяльна-эканамічных і іншых праблем, з якімі сутыкаюцца маладыя вучоныя.

Месца правядзення: г. Мінск, пр. Незалежнасці 66, каб. 216 (зала Бюро Прэзідыума Нацыянальнай акадэміі навук Беларусі).

Дата і час правядзення: 6 чэрвеня 2019 г., 14:00-16:00.

Для ўдзелу ў круглым стале неабходна прайсці анлайн рэгістрацыю.