На Міжнароднай навуковай канферэнцыі “Шлях да ўзаемнасці” ў Беластоку ў чарговы раз сабраліся даследчыкі, культуролагі, мовазнаўцы з Польшчы і Беларусі. Гэты ўнікальны навуковы форум праводзіцца з 1993 года па чарзе: у Беларусі ды Польшчы. На гэты раз у Беласток прыехалі навукоўцы з Цэнтра даследаванняў беларускай культуры, мовы і літаратуры, інстытутаў гісторыі ды падрыхтоўкі навуковых кадраў НАН Беларусі.