З 27 па 29 красавіка ў Мінску адбылася ХІІ Міжнародная навуковая канферэнцыя “Аўтэнтычны фальклор: праблемы захавання, вывучэння, успрымання” — адмысловы, адзіны ў сваім родзе на Беларусі інавацыйны навуковы праект па сістэмнай падтрымцы, развіцці і прапагандзе традыцыйнай культуры, а таксама па інтэграванні яе развіваючага і этнаэкалагічнага патэнцыялу ў маладзёжнае асяроддзе. Рэалізоўваюць праект Міністэрства культуры краіны і Беларускі дзяржаўны ўніверсітэт культуры і мастацтваў. Пра канферэнцыю распавядае магістрант Інстытута падрыхтоўкі навуковых кадраў Нацыянальнай акадэміі навук Беларусі Алег Белы.