10 снежня Аляксандр Лукашэнка правёў першую нараду, прысвечаную вырашэнню праблемных пытанняў у будаўнічай галіне і ўдасканаленню работы з кіруючымі кадрамі. Старшыня Прэзідыума Нацыянальнай акадэміі навук Беларусі Уладзімір Гусакоў выказаўся за стварэнне сістэмы адбору патэнцыяльных кандыдатаў для работы на дзяржслужбе, пачынаючы яшчэ са школы.

Беларусь і Туркменістан пацвярджаюць імкненне да цеснага і шматпланавага супрацоўніцтва, на гэтым акцэнтавалі ўвагу прэзідэнты дзвюх краін Аляксандр Лукашэнка і Гурбангулы Бердымухамедаў у час перагавораў у Ашхабадзе. У сферы навукі і адукацыі двухбаковая дагаворна-прававая база папоўнілася праграмай супрацоўніцтва паміж Нацыянальнай акадэміяй навук Беларусі і Акадэміяй навук Туркменістана, у галіне навукі і тэхналогій – дагаворам аб навукова-тэхнічным супрацоўніцтве паміж Інстытутам хіміі новых матэрыялаў НАН Беларусі і Інстытутам хіміі Акадэміі навук Туркменістана.